Վիշապօձերի ընտանիքի օձ: Մարմնի երկարությունը 6-9 մետր է, երբեմն հասնում է մինչև 11-ի: Թեփուկները հարթ են, փայլուն: Գլուխը փոքր է, դունչը կլորավուն, պոչը կարճ, քթանցքները փականներով: Վերևից գորշ դեղնականաչ է, մեջքի երկայնքով երկու կողմից մուգ դարչնագույն` կլոր ու մեծ խալեր ունի:

  Ապրում է Բրազիլիայի և Գվինեայի գետերի, լճերի ու ճահիճների ափերին: Երաշտի ժամանակ ընկղմվում է տիղմի մեջ ու քուն մտնում: Հիմնականում կենդանածին է` 70-100 ձագ, որոշ դեպքերում նաև ձվադրում  է:  Ձագերը ծնվում են մոտ 70 սմ երկարությամբ և 270 գրամ քաշով:  

Ապրում է մինչև 30 տարի: Կյանքի մեծ մասն անց է կացնում ջրում: